राष्ट्रीय सेवा योजना अंतर्गत कृषी महाविद्यालय, अकोला येथे विद्यार्थ्यांसाठी “आरोग्य जनजागृती शिबिर संपन्न”

आरोग्य हीच आजच्या काळातील सर्वात मोठी संपत्ती – डॉ. संजय भोयर

अकोला : कृषी महाविद्यालय, अकोल येथे राष्ट्रीय सेवा योजना व शिक्षण विभाग यांच्या संयुक्त विद्यमाने एक दिवसीय आरोग्य जनजागृती शिबिर दि. २९/०९/२०२५ ला कमिटी हॉल येथे संपन्न झाले. या शिबिराचे उद्घाटन कृषी महाविद्यालयाचे सन्माननीय सहयोगी अधिष्ठाता, प्राध्यापक डॉ. संजय भोयर सर यांनी केले, तर प्रमुख वकत्या व शासकीय वैद्यकीय महाविद्यालय, अकोला येथील समुपदेशक डॉ. माधुरी येलणे यांनी विद्यार्थ्यांना व विद्यार्थिनींना २ वेगवेगळ्या सेशन मध्ये आरोग्याविषयी जनजागृती केली. त्यांनी PPT सादरीकरणा द्वारे वेगवेगळ्या रोगाबद्दल व खासकरून HIV चे लागण कशा प्रकारे होते व ते होऊ नये याबाबत सविस्तर मार्गदर्शन केले.

डाॅ. संजय भोयर सर यांनी आपल्या उद्घाटनपर व अध्यक्षीय मार्गदर्शना मध्ये ” विद्यार्थ्यांनी आपल्या तब्येतीची काळजी घेणे ही काळाची गरज आहे कारण आजचे विद्यार्थी वेगवेगळ्या व्यसनामुळे आपले जीवन बरबाद करत असून आपल्या आई-वडिलांचे स्वप्न साकार करावयाचे असतील तर निर्व्यसनी राहून वाईट सवयी पासून दुर राहावे ” असे आव्हान केले.

या कार्यक्रमाला मोठ्या संख्येने विद्यार्थी व विद्यार्थ्यांनी उपस्थित होते. या कार्यक्रमाला महाविद्यालयाचे प्राध्यापक वर्ग डॉ. अनिल खाडे, डॉ. नारायण काळे, डॉ. राजेंद्र वाळके, डॉ. गिरीश जेऊघाळे, डॉ. प्रिती तोडसाम, डॉ. निशांत उईके, डॉ. प्रकाश कहाते व डॉ. निलिमा पाटील इ. उपस्थित होते. या कार्यक्रमाचे सूत्रसंचालन कु. प्राप्ती देवगडे, कु. अर्पिता देशमुख, अनमोल शर्मा व अभिनव यांनी केले तर आभार प्रदर्शन डॉ. अनिल खाडे, कार्यक्रम अधिकारी रा. से. यो. यांनी केले.